BILATU, SORTU ETA ESPERIENTZIAREN ANTOLAKUNTZA

Hasiera batean, talde lanean egin beharreko lanaren inguruko informazioa bilatzen aritu ginen. Lan hau hain zuzen ere, irakasleen konpetentzia digitalen ingurukoa da. Lan hau jorratzeko, irakasleen prestakuntzaren eta eskolan dauden teknologia berrien (TPACK) inguruko informazioa bilatu genuen. Uste genuelako bi alor hauek oso garrantzitsuak direla gai honen barruan. Bestalde, irakasleak aurreko saioan emandako helbide batzuk begiratzen eta hortik informazioa ateratzen ere ibili ginen.
Ondoren, gela egonkorrean konpetentzia digitalen inguruko bideo bat jarri zigun irakasleak, “¿Que es la competencia digital?” (http://www.youtube.com/watch?v=V_HOIsP-Ix8) izenburua duena. Bideo honetan, eskolaren jatorria, zein motatako gizarte bilatzen zen (industrializatua), irakaskuntza industrializazio gizartean, liburuetan oinarritzen zela irakaskuntza eta azkenik, XXI.mendean teknologia berrietara (eskola 2.0) egindako zabalkuntzarekin konparaketa bat egiten du. Honekin batera, konpetentzia digitala zertan datza eta non eta nola irakatsi behar den zehazten digu.
Saio hauetatik ateratzen ditugun hitz gakoak honako hauek dira: teknologia berriak, jakintza, informazioa bilatzea eta interpretatzea, ikerkuntza eta konpetentzia digitalak.

“Irakasle ahalik eta hoberenak izateko, prestakuntza ezinbestekoa da”